Ռուսաստանի Պետդուման առաջին ընթերցմամբ ընդունել է նախագիծ, համաձայն որի` Հայաստանում ստացված ազգային վարորդական իրավունքի վկայականները կարող են ընդունվել ՌԴ կողմից: Փոփոխություններով նախատեսվում է Ռուսաստանի տարածքում ճանաչել Հայաստանի քաղաքացիների վարորդական վկայականները, երբ նրանք ձեռնարկատիրական և աշխատանքային գործունեություն են ծավալում։ «Դրանով հավասարեցվում են ԵԱՏՄ անդամ երկրների քաղաքացիների իրավունքները»,- նշել է Ռուսաստանի ներքին գործերի փոխնախարար Իգոր Զուբովը։ Ավելի վաղ Պետդումայում վարորդական վկայականների վերաբերյալ նմանատիպ որոշում էր կայացվել նաև Ղրղըզստանի քաղաքացիների դեպքում։ Ռուսաստանում օտարերկրյա վարորդական իրավունքներով ձեռնարկատիրական և աշխատանքային գործունեության իրականացման արգելքը գործում է 2017-ի հունիսի 1-ից։ Թեմայի շուրջ «Առաջին լրատվական»-ը զրուցել է «ԱրմՌոսս» ասոցիացիայի պատվավոր փաստաբան Ռուբեն Կիրակոսյանի հետ:
Կիրակոսյանի խոսքով՝ իրավական հարց չէ․ Հայ վարորդների իրավունքների հարցը առևտուր է․ «Հայ վարորդների հարցը կապված էր Հայաստանում ռուսաց լեզվի խնդրի հետ: ՀՀ իշխանությունը պետք է լուրջ և համակարգչային վերաբերվի ՌԴ-ում մեր հայրենակիցների խնդիրներին»: