ԱՄՆ-ի նախագահ Ջո Բայդենը մտադիր Է ժամանակավորապես վերացնել վառելիքի դաշնային հարկը՝ երկրում բենզինի ռեկորդային գների պատճառով, հունիսի 21-ին հաղորդել Է The Wall Street Journal (WSJ) թերթը՝ վկայակոչելով աղբյուրներ:
Թերթի տվյալներով՝ Միացյալ Նահանգների ղեկավարը եւ նրա խորհրդականներն այդ միջոցը քննարկում են արդեն մի քանի ամիս: Սպիտակ տան տարածած գրաֆիկի համաձայն՝ ԱՄՆ-ի նախագահը հունիսի 22-ին հանդես կգա ճառով՝ նվիրված երկրում գների աճի իրադրությանը:
Վառելիքի յուրաքանչյուր գալոնից (3,785 լիտր) 18,4 ցենտը ժամանակավորապես չգանձելու որոշմանը պետք Է հավանություն տա Կոնգրեսը, այնպես որ, ինչպես նշում Է հրատարակությունը, Բայդենի նման քայլն «ավելի մեծ չափով խորհրդանշական» տեսք ունի: Թերթը նաեւ ընդգծում Է, որ Կոնգրեսում թե՛ հանրապետականները, թե՛ դեմոկրատները թերահավատորեն են վերաբերվում վառելիքի հակի չեղարկմանը, քանի որ օրենսդիրները կասկածներ ունեն, թե այդ միջոցը կօգնի կայունացնելու լցակայանների բարձր գների իրավիճակը, հաղորդել Է ՏԱՍՍ-ը:
