Երևանի Կենդանաբանական այգու տնօրեն Սահակ Աբոյանը երեկ Հրազդանում տեղի ունեցած միջադեպի մասին մեզ հետ զրույցում նշեց, որ առյուծը Հրազդանի կենդանաբանական այգի է տեղափոխվել պայմանագրով. «առյուծը Հրազդան է տեղափոխվել ապրիլ ամսին, մենք պայմանագիր ենք կնքել Հրազդանի կենդանաբանական այգու տնօրեն Ավետիսյան Արմենակի հետ և առյուծը տեղափոխել. միջադեպի պատճառը ոչ թե առյուծն է, այլ աշխատակցի անուշադրությունը: Մենք մեր այգում 10 առյուծ ունենք, բա ինչո՞ւ մի օր այդպիսի բան չեղավ, որովհետև մեր աշխատակիցներն ուշադիր են»: Մեր այն հարցին, թե լուրեր են տարծվել, որ առյուծը պարզապես «դուրս է գրվել», Պարոն Աբովյանը պատասխանեց. «Մենք կենդանիներին «սպիսատ» չենք անում»:
Հիշեցնենք, որ դեպքը տեղի էր ունեցել երեկ երեկոյան, Հրազդանի բնակիչ 21-ամյա Նվեր Էդիկի Սարգսյանը մահացել է առյուծի հարձակումից: Հիվանդանոցում նրան չի հաջողվել փրկել, կոնքի շրջանում վնասվածքից արնաքամ է եղել և մահացել:
