ՀԱԿ կենտրոնական գրասենյակի համակարգող Լևոն Զուրաբյանն այսօր հրավիրված ասուլիսի ընթացքում հայտնեց, որ իրենք առկախում են բանկցությունները և պատրաստ են այն շարունակել Տիգրան Առաքելյանի խափանման միջոցը փոխելուց հետո:
Նա 8 պատճառ նշեց, որը հիմք է ծառայել երկխոսությունը դադարեցնելու համար, որոնք են.
1. Հակառակ փոխադարձ պայմանվորվածությունների և տրված հավաստիացումների՝ Տիգրան Առաքելյանի խափանման միջոցը մինչ այսօր փոխված չէ:
2. Օգոստոսի 9-ի միջադեպի հետևանքով առաջացած քաղաքական լարվածության հաղթահարման նպատակով ՀԱԿ-ի քայլերը ուղղված են երկխոսության շուրջ վստահության և կառուցողական մթնոլորտի ստեղծմանը, բայց չեն արժանանում իշխանությունների համարժեք արձագանքին:
3. ՀԱԿ-ին տրված երաշխիքները՝ Տիգրան Առաքելյանի խափանման միջոցը օրենքով նախատեսված՝ անձնական երաշխավորության խափանման միջոցով փոխարինելու մասին, չկատարվեցին: Իշխանությունները ցանկանում են օգտագործել Առաքելյանի կալանավորումը՝ որպես Կոնգրեսից քաղաքական զիջումներ կորզելու և ճնշման լծակ: Դրանով ամրապնդվում է Տիգրան Առաքելյանի քաղաքական բանտարկյալ լինելու հանգամանքը, և դրա հետևանքով երկխոսությունը վերածվում է քաղաքական պատանդների առևտրի:
4. Մերժելով ՀԱԿ-ի երաշխիքները՝ իշխանությունները ցույց են տալիս, որ պատրաստ չեն կառուցել հարբերությունները վստահության հիման վրա, և հարցականի տակ են դնում շատ ավելի մեծ փոխվստահություն պահանջող, ժողովրդի ճակատագրին վերաբերող ներքաղաքական հարցերի շուրջ փոխհամաձայնության ձեռքբերման որևէ հնարավորություն:
5. Չկարողանալով ապահովել ուղիղ ենթերով երկխոսության հեռարձակման քաղաքական պահանջների կատարումը՝ չի վերացվել նաև Հանրային հեռուստատեսությամբ և մյուս հեռուստաալիքներով կոնգրեսի հանրահավաքների մասին իրազեկող, ցույցերի հեռարձակման արգելքը: Ինչպես նաև հանրահավաքներից առաջ իրավապահների կողմից բնակչության ահաբեկումը, մանսավորպես՝ հանրային և այլ տրանսպորտային միջոցների աշխատանքը տապալելով՝ իշխանությունը կասկածի տակ է դնում իր իսկ պնդումները և իր վստահելիությունը:
6. Վերջին օրերին իշխանությունների ճնշման ներքո մի շարք հանգստյան տների ղեկավարներ չեղյալ են հայտարարել Կոնգրեսի ներկյացուցիչների հետ ձեռք բերված պայմանավորվածությունները՝ օգոստոսի 26-28-ը ՀԱԿ երիտասարդների ամենամյա ավանդական հավաք կազմակերպելու մասին: Պայմանավորվածությունը ձեռք էր բերված, գումարները վճարված էին:
7. Այս բոլոր զարգացումները վկայում են, որ, շարունակելով երկխոսությունը՝ իշխանությունները վախենալով ՀԱԿ-ի աճող հեղինակությունից, բռնաճնշումների, ինչպես նաև մարդու իրավունքների և ժողովրդավարական ազատությունների ոտնահարման մարտավարության կիրառմամբ իրենց նախկին գործելաոճն են որդեգրել:
8. Քաղբանտարկյալների առկայությունն անհնարին է դարձնում երկխոսության շարունակությունը: Նման պայմաններում հարկ ենք համարում հայտարարել հետևյալը. «ՀԱԿ-ի պատվիրակությունն առկախում է իր մասնկցությունը Կոնգրես-իշխանություններ երկխոսության շրջանակներում ընթացող բանկացությունները: Կնոգրեսի պատվիրկությունը նաև հայտարարում է, որ պատրաստ է վերսկսել բանակցությունները՝ Տիգրան Առաքելյանի խափանման միջոցը փոխելուց անմիջապես հետո:
Ավելին, ՀԱԿ համակարգողը հիշեցրեց, որ երկխոսության 4-րդ ռաունդում քննարկել են ձերբակալված՝ ՀԱԿ 4 երիտասարդների հարցը և իշխանության խնդրանքով՝ քննարկման մանրամասները գաղտնի են պահել: Բայց քանի որ իշխանությունն իր խոստմանը հակառակ մարտավարություն է որդեգրել, իրենք բացում են քննարկման մանրամասները:
Ըստ Զուրաբյանի՝ քննարկման ժամանակ փոխհամաձայնագրի ստորագրում է առաջարկվել իշխանությանը, որ նրանք փոխեն երիտասարդների խափանման միջոցը և բաց թողնեն: Դատավարությունը կորոշի՝ ով է մեղավոր, իսկ ով՝ ոչ:
Փոխադարձ երաշխիքների պայմաններում՝ իշխանության ներկայացուցիչները հրաժարվել են ստորագրել, բայց խոստացել են խնդիրը լուծել: Այնինչ Տիգրան Առաքելյանը մինչ օրս շարունակումէ մնալ բանտում, իսկ իրենք քաղբանտարկյալների առկայության պայմաններում չեն կարող երկխոսությունը շարունակել:
