Առողջապահության համաշխարհային կազմակերպությունը (ԱՀԿ) այն կարծիքին Է, որ բնական ծաղկի դեմ պատվաստանյութն արդյունավետ Է կապկի ծաղկի դեպքում, սակայն այդ հաշվով ստույգ տվյալներ չկան: Այդ մասին, մայիսի 24-ին հայտարարել Է ԱՀԿ-ի արտակարգ իրավիճակների հարցերով ծրագրի ծաղկի դեմ պայքարի քարտուղարության ղեկավար Ռոզամունդ Լյուիսը:
«Անցած հետազոտությունները ցույց են տվել, որ ծաղկի դեմ պատվաստանյութերը, հնարավոր Է, մոտավորապես 85 տոկոսով արդյունավետ են եղել կապկի ծաղկի դեմ: Դրանք սահմանափակ հետազոտություններ են, որոնք անցկացվել են մոտավորապես ծաղկի վերացման ժամանակ, եւ ներկայում լրացուցիչ հետազոտություններ են անցկացվում նոր պատվաստանյութերի օգտագործմամբ»,-ասել Է Լյուիսը՝ հանդես գալով Ժնեւում կայացած ճեպազրույցում:
Նա նշել Է, որ ԱՀԿ-ն չունի ստույգ տվյալներ կապկի ծաղկի դեմ պատվաստանյութի արդյունավետության մասին, բայց կազմակերպությունը հետեւելու Է համապատասխան տեղեկատվությանը:
ԱՀԿ-ի վերջին տվյալների համաձայն, ոչ տեղային երկրներում կապկի ծաղկով վարակման 131 դեպք Է գրանցվել մարդկանց շրջանում, եւս 106 փաստ ուսումնասիրվում Է, հաղորդել Է ՌԻԱ Նովոստին:
