Ամենամեծ ճերմակ ադամանդը, որը երբեւիցե դրվել Է աճուրդի, այս շաբաթ վաճառվում Է Ժնեւի Christie՚s աճուրդի տան սպառավաճառքի շրջանակներում: Այդ մասին, ինչպես տեղեկացնում Է «Արմենպրես»-, հաղորդել Է CNN գործակալությունը: “The Rock”-ը (ժայռ) տանձաձեւ քար Է՝ 228,31 կարատ քաշով, այն մոտավորապես գոլֆի գնդակի չափի Է. ինչպես սպասվում Է, քարը կվաճառվի մինչեւ 30 միլիոն դոլար գումարով:
«Հաճախ այս ամենախոշոր քարերից մի մաս նրանք «զոհում» են քաշը պահպանելու համար»,-մեկնաբանում Է Մաքս Ֆոսեթը՝ Ժնեւի Christie՚s աճուրդի տան ոսկերչական բաժնի ղեկավարը: «Բայց սա տանձի կատարյալ համաչափ ձեւ ունի եւ ամենահազվագյուտ թանկարժեք քարերից մեկն Է, որը երբեւԷ վաճառվել Է աճուրդում»: Հարավային Աֆրիկայում արդյունահանված քարն ավելի վաղ կրում Էին որպես Cartier-ի մանյակ: Ճերմակ ադամանդի նախորդ աճուրդային ռեկորդը 163,41 կարատ քաշով թանկարժեք քարն Է, որը վաճառվել Է 2017 թվականին:
Christie՚s-ը նաեւ վաճառում Է 205,07 կարատ քաշով բարձաձեւ դեղին ադամանդ, որն անվանում են «Կարմիր խաչի ադամանդ», քանի որ աճուրդից ստացված հասույթի չնշված մասն անցնելու Է Ժնեւում բազավորված Կարմիր խաչի միջազգային կոմիտեին (ԿԽՄԿ): CNN-ը նշում Է, որ ալմաստի գները բարձրացել են Ռուսաստանի (թանկարժեք քարերի խոշորագույն մատակարար) նկատմամբ սահմանված պատժամիջոցների, ինչպես նաեւ համավարակի սահմանափակումների մեղմացմանը զուգընթաց VIP-միջոցառումների վերադառնալու պատճառով, հաղորդել Է «Ինտերֆաքս»-ը: