«Հանուն Հանրապետության» կուսակցության անդամ Արտաշես Խալաթյանը ֆեյսբուքյան իր էջում գրել է.
Վարչապետի ելույթը ՀԱՊԿ֊ում այդ կազմակերպությանը կենացային և անկարգապահ վիճակից դուրս բերելուն և այդպիսով նաև հայկական շահը պաշտպանելուն ուղղված հաջողված քայլ էր։
Իրոք.ի՞նչ փոխօգնության մասին է խոսում Լուկաշենկոն, երբ ՀԱՊԿ ֊ի մնացած անդամներն իրենք են խախտել իրենց պարտավորությունները Հայաստանի հանդեպ, անտեսել են ՀԱՊԿ֊ի հիմնադրման մասին պայմանագրի դրույթները` որևէ կերպ չպաշտպանելով Հայաստանին Ադրբեջանի ագրեսիայից և շարունակաբար մեծաքանակ զենք վաճառելով Ալևին։
Միջազգային հարաբերությունների անկյունաքարերից մեկը փոխադարձության սկզբունքն է, որի չպահպանումը չեղարկում է ցանկացած հանդիպակաց պարտավորություն։
Հատկապես զավեշտալի է այս պարզ ճշմարտության մասին հիշեցնելը մի ամբողջ ռազմաքաղաքական դաշինքի անդամ֊պետություններին, որոնք դաշինքի ներսում սրբորեն պետք է պահպանեն փոխադարձ պաշտպանական պարտավորությունները։
Որևէ կերպ չի կարող հիմնավորված համարվել Ուկրաինայի, Ղազախստանի և Աֆղանստանի խնդիրների գերադասումը Հայաստանի նկատմամբ Ադրբեջանի ագրեսիայի դեպքին։
ՀԱՊԿ֊ի պատասխանատվության գոտին կա’մ կներառի դրա բոլոր֊անդամ պետությունների անվտանգային խնդիրները, կա’մ չի ներառի այդ խնդիրներից ոչ մեկը։
