Ադրբեջանի արտգործնախարար Ջեյհուն Բայրամովը հայտարարել է, որ Բաքուն և Երևանը պայմանավորվել են ադրբեջանա-հայկական սահմանի սահմանազատման և անվտանգության համատեղ հանձնաժողովի կազմի շուրջ։ «Ադրբեջանական կողմը Երևանին առաջարկել է ավելի բարձր մակարդակով հանձնաժողով կազմակերպել։ Բայրամովը նաեւ անդրադարձել է իրենց հինգ առաջարկներին Հայաստանի պատասխան վեց առաջարկներին, նշել, թե բոլորը տեսել են Հայաստանի ներկայացրած փաստաթուղթը, որին նայելով` դժվար է դրանք առաջարկներ անվանել։ «Հայկական կողմի փաստաթուղթը եղել է հակազդման տեսքով՝ ընդդեմ Ադրբեջանի առաջարկների: Ես կարող եմ թվարկել 6 կետից բաղկացած արձագանքներից մի քանիսը և եզրակացնեք՝ որքանով դա կարելի է առաջարկություն անվանել», – ասել է Ադրբեջանի արտգործնախարարը։ Թեմայի շուրջ «Առաջին լրատվական»-ը զրուցել է քաղաքագետ Արեգ Քոչինյանի հետ:
Քոչինյանի խոսքով՝ հասարակության հետ պետք է ազնիվ լինել, ներկայացնել բոլոր ռիսկերը․ «Իշխանությունը կիսաքայլերով նմանվում է Սերժ Սարգսյանին: Անկլավների փոխանակման դեպքում մերը ունի ռազմավարական նշանակություն, օրինակ Տիգրանաշենը: Իշխանությունը պետք է բացահայտի՝ Բաքվի վեց կետերը ինչ են: Գոյություն ունեցող իրավիճակը վնասում է միայն Հայաստանին»:
Անդրադառնալով ընդդիմության քայլերին, քաղաքագետը հիշեցրեց, որ սա շատ նման է 98-ի պետական հեղաշրջմանը, նույն երկու հոգին են՝ ուրիշ բերաններով․ Այնքան ենք թուլացել, որ մի խումբ արկածախնդիրներ կարող են վնասե՞լ Հայաստանը: Իսկ ինչ է անում իշխանությունը, որ մի խումբ արկածախնդիրներ կարող են վնասել Հայաստանը:Քաղաքացիական պատերազմ չի կարող լինել, ռադիկալացում է:Մի քանի մարդու պետք է իզոլացնել և ամբողջ հարցը կլուծվի»: