Օգոստոսին Վիետնամում ինֆլյացիան աճել է մինչև 23% տարեկան կտրվածքով, սա ամենաբարձր ցուցանիշն է Ասիայում, հայտնում է բրիտանական BBC հեռուստաընկերությունը:
Երկրի վիճակագրական ղեկավարության տվյալներով, սննդի և խմիչքի գները աճել են 34%-ով: Սակայն որոշ տնտեսագետներ կարծում են, որ ինֆլյացիան առավելագույնի է հասել այս ամսվա ընթացքում և կգնա դեպի անկում կառավարության որոշումների շնորհիվ, որոնք ընդունվել են գները սանձելու համար:
Այս տարի Վիետնամի կենտրոնական բանկը արդեն մի քանի անգամ բարձրացրել է վարկերի տոկոսադրույքները:
«Իշխանությունները քանի դեռ շարունակում են վարկերի սահմանափակման քաղաքականությունը, ինֆլյացիան ժամանակի ընթացքում կհանդարտվի»,- կարծում է Standard & Poor’s վարկանիշային գործակալության տեղական մասնաճյուղի ղեկավար Կիմ Են Տամը:
Կառավարությունը նաև հայտարարել է հոտեմբերի 1-ից նվազագույն աշխատավարձի բարձրացման ծրագրի մասին: Փետրվարին Հանոյը արժեզրկել է ազգային արժույթը 8.5%-ով, ինչը իր հերթին խթանել է ինֆլյացիան:
