Էկվադորի նախագահ Գիլերմո Լասոն հանցավորության աճի պատճառով երկրի երեք նահանգում արտակարգ դրության ռեժիմ է հայտարարել: Այս մասին նախագահը գրառում է կատարել «Թվիթեր»-ի իր էջում:
«Ես արտակարգ դրություն եմ հայտարարել Գուայաս, Մանաբի և Էսմերալդաս շրջաններում: Էկվադորի ոստիկանության ու զինված ուժերի մասնակցությամբ լայնամասշտաբ, կոորդինացված գործողություն կիրականացվի: Այս երեք նահանգներում խաղաղության ու կարգուկանոնի պահպանման նպատակով ներգրավվելու են 4 հազար ոստիկան և 5 հազար զինվոր»,- հայտնել է նա:
Լասոն տեղեկացրել է, որ նշված շրջաններում առաջիկա երկու ամսվա ընթացքում պարետային ժամ կգործի:
Պաշտոնական տվյալներով՝ այս տարի Էկվադորում գրանցվել է սպանության 1180 դեպք, որը գերազանցում է 2020 թվականի ամբողջ տարվա ցուցանիշը: