Հայաստանյան ընդդիմությունը ընտրություններից 9 ամիս անց փողոցում է՝ Արցախը փրկելու օրակարգով: Խորհրդարանական ընդդիմությունը այս օրակարգի կյանքի կոչումը պայմանավորում է միայն վարչապետ Նիկոլ Փաշինյանի հրաժարականով։ Պնդում են, որ Փաշինյանի կառավարությունը մտադիր է Արցախը ճանաչել Ադրբեջանի կազմում, ինչը հնարավոր է տապալել հանրային ճնշմամբ։ Մի քանի օր շարունակվող ակցիաները սակավամարդ են, երեկվա քայլերթին, օրինակ, տարբեր հաշվարկներով մասնակցել է 1200 մարդ։ Թե ինչ արձագանքներ է գտնում ընդդիմության այս գործողությունները Արցախում, թեմայի շուրջ «Առաջին լրատվական»-ը զրուցել է արցախցի քաղաքագետ Ժիրայր Ազիզյանի հետ:
Քաղաքագետի կարծիքով՝ ընդդիմությունը իր գործողություններով հավերժացնում է իշխանության լեգիտիմությունը․ «Այն սցենարը, որով ընթանում է ընդդիմության պայքարը՝ էֆեկտիվ չէ: Արցախի հարցը չպետք է խառնել ներքաղաքական պրոցեսների մեջ, Արցախի շուրջ պետք է կոնսոլիդացիա լինի, պետք է ձևավորել համահայկական կոնսոլիդացիա»: