1853 թ. օգոստոսի 24-ին Moon’s Lake Lodge հյուրանոցի սևամորթ շեֆ-խոհարար Ջորջ Քրամը առաջին անգամ պատրաստել է կարտոֆիլային ֆրի:
Հաճախորդներից մեկը հրաժարվել է ուտել նրա սարքած կարտոֆիլը` պատճառաբանելով, որ այն շատ հաստ է: Այդ ժամանակ Քրամն այն կտրել է շատ բարակ`թերթի հաստության, վրան լցրել է աղ և այն սարքել խրթխրթան:
Ի զարմանս խոհարարի՝ հաճախորդը շատ է հավանել ճասատեսակը: Շուտով Saratoga Chips կոչվածները դարձել են այդ ռեստորանի ֆիրմային կերակրատեսակը: 1860 թ. Քրամը բացել է սեփական ռեստորանը, որտեղ սեղաններին միշտ դրված է եղել չիփս:
1890 թ. Քլիվլենդ քաղաքի վաճառականներից մեկը` Ուիլյամ Թեփենդը, սկսել է չիփսեր վաճառել իր մեքենայի վրայից: Նա այն մատուցում էր թղթե տարաներով, որոնք զարդարված էին Թեփենդեմի գովազդային նշանով:
1950-ական թվականներին չիփսերը դարձել են ամերիկյան հեռուստաալիքների ամենաշատ գովազդվող ապրանքները: 1970 թ. առաջին անգամ վաճառվել է մեկ միլիարդ դոլարի չիփս: Այժմ միայն Ամերիկայում տարեկան վաճառվում է 6մլրդ դոլարի չիփս:
