Անկարան ցանկանում է կազմակերպել Թուրքիայի, Ադրբեջանի և Հայաստանի արտգործնախարարների եռակողմ հանդիպում, Բաքուն դեմ չէ այդ առաջարկին։ Թուրքիայի արտգործնախարար Մևլութ Չավուշօղլուն այդ մասին ասել է ԱՀաբեր հեռուստաալիքին տված հարցազրույցում։ «Մենք ցանկանում էինք այս հանդիպումը կազմակերպել մարտին Անթալիայում դիվանագիտական ֆորումի շրջանակում: Չստացվեց։ Բայց առաջարկը բաց է, և Բաքուն դեմ չէ այս հանդիպմանը», – ասել է Չավուշօղլուն։
Թուրք արտգործնախարարը նաև դրական պատասխան է տվել Հայաստանի արտգործնախարար Արարատ Միրզոյանի՝ Թուրքիա նոր այցի հնարավորության մասին հարցին։ Նա նաև խոսել է հայ-թուրքական հարաբերությունների մասին՝ նշելով, որ Ադրբեջանը աջակցում է այդ գործընթացին։ Այս և այլ թեմաների շուրջ «Առաջին լրատվական»-ը զրուցել թուրքագետ Նելլի Մինասյանի հետ:
Թուրքագետի կարծիքով՝ նոր աշխարհակարգի կառուցման գործընթաց է, որտեղ Թուրքիան ցանկանում է ունենալ կարևոր դերակատարում․ «Այս պատերազմում Թուրքիան ակտիվ դերակատարում ունի: Թուրքիան երկխոսության հարթակի է փորձում վերածվել, դառնալ տնտեսական հանգույց»:
