Թուրքիայից Վրաստան բերվող դեղամիջոցների ցուցակն ընդլայնվել Է մինչեւ 45 անուն: Այդ մասին հաղորդել Է առողջապահության նախարարությունը:
Թուրքական դեղագործական շուկայի բացումից հետո բազմաթիվ դեղամիջոցների գներ Վրաստանում նվազել են 60-80 տոկոսով:
Թուրքական դեղամիջոցները կարելի Է ձեռք բերել երեք խոշոր ցանցային ընկերությունների դեղատներում: Ամբողջական ցուցակին կարելի Է ծանոթանալ հղումով:
Թուրքիայից ներմուծվող դեղամիջոցների ցուցակը տրամադրվում Է դեղագործական սեկտորի կողմից եւ նորացվում ընկերություններից ստացված տեղեկատվությանը համապատասխան: Ավելի վաղ Վրաստանի վարչապետ Իրակլի Ղարիբաշվիլին հայտարարել Է, որ Թուրքիայից Էժան դեղամիջոցների ներկրումը մեծ թեթեւացում կլինի քաղաքացիների համար:
Նրա խոսքով՝ դեղերի բարձր գները բացարձակապես անընդունելի են, ուստի այդ պատճառով կառավարությունը որոշում Է ընդունել բացել երկրի դեղագործական շուկան թուրքական դեղամիջոցների համար: Ղարիբաշվիլին ընդունել Է, որ երկրի դեղագործական շուկան դեռ 2021 թվականի նոյեմբերին օրենսդրական փոփոխությունների, այդ թվում՝ դեղերի գների կարգավորման կարիք ունի, հաղորդել Է Sputnik-ը:
