Եվրոպական Խորհրդարանն ընդունել է քաղցկեղի դեմ պայքարի՝ պատմական նշանակության ուղեցույց, ինչը խորհրդարանի շվեդ պատգամավոր Սառա Սկիտեդալի կարծիքով կարևոր քայլ է՝ սիգարետի հասցրած վնասի նվազեցման համատեքստում։
Եվրախորհրդարանի (ԵԽ)՝ քաղցկեղի դեմ պայքարի հատուկ կոմիտեն (BECA) ներկայացրել է առաջարկությունների փաթեթ, որն ընդունվել է 652՝ կողմ, 15՝ դեմ և 27 ձեռնպահ ձայներով։ Ներկայացված զեկույցում ընդգծվում է, որ սիգարետ ծխելը քաղցկեղի հիմնական պատճառներից մեկն է, ինչպես նաև կոչ է արվում ֆինանսավորել ծխելը թողնելուն ուղղված ծրագրերը։
Նաև նշվում է, եր սիգարետի անծուխ այլընտրանքները կարող են որոշ ծխողների համար հնարավորություն ստեղծել՝ ծխելն աստիճանաբար թողնելու, ինչը համապատասխանում է վնասի նվազեցման քաղաքականության նպատակներին, ինչպես նաև ընդգծում է այլընտրանքային նիկոտինային ապրանքների ներուժը՝ ծխելու մակարդակի կրճատման տեսանկյունից։
ԵԽ շվեդ պատգամավոր Սառա Սկիտեդալը նշում է, որ սա շատ կարևոր քայլ է, որով Եվրախորհրդարանն ընդունում է նիկոտինային արտադրանքի դերը ծխողների թվի կրճատման մեջ։ Սկիտեդալը նախկինում հաճախ է քննադատել այն, որ Եվրոպական Հանձնաժողովը չէր ընդունում սնուսի և այլ այլընտրանքային ապրանքների մեծ ներուժը։ Սակայն, քաղցկեղի դեմ պայքարի ծրագիրը առաջին փոքր քայլն է, որը հնարավորություն կտա թուլատրել սնուսի վաճառքը ԵՄ ներքին շուկայում։
Քաղցկեղի դեմ պայքարի՝ պատմական նշանակության ծրագիրը
Ի թիվս այլ կարևոր դրույթների, զեկույցն աջակցում է «ծխախոտից զերծ սերունդ» ունենալու նպատակը՝ խթանելով սիգարետ ծխելը դադարեցնելուն ուղղված ծրագրերը։ Զեկույցում նաև կոչ է արվում ավելի շատ գիտական աշխատանքներ իրականացնել՝ գնահատելու նոր սերնդի նիկոտինային արտադրանքի, օրինակ՝ ծխախոտի տաքացման համակարգերի և էլեկտրոնային սիգարետների հետ կապված ռիսկերը մարդկանց առողջության համար:
Եվրոպայում քաղցկեղի դեմ պայքարի նախորդ ծրագրի ընդունումից անցել է տասներկու տարի։ ԵԽ ֆրանսիացի պատգամավոր և BECA-ի զեկուցող Վերոնիկ Տրիլետ-Լենուարն իր խոսքում նշում է, որ ընդունված նոր ծրագիրը պատմական նշանակություն ունի ինչպես իր առջև դրված նպատակների, այնպես էլ տրամադրվելիք ռեսուրսների տեսանկյունից։
Նվազեցված ռիսկով նիկոտինային արտադրանքի դերը
Շվեդիայի սնուս արտադողների ասոցիացիայի գլխավոր քարտուղար Պատրիկ Ստրոմերի կարծիքով, ներկայացված ծրագրում ծխախոտային և նիկոտինային արտադրանքի հանդեպ մոտեցումը մեծապես համապատասխանում է ոլորտի սպասումներին։
Ըստ նրա՝ բավականին ոգևորող փաստ է այն, որ պաշտոնապես արձանագրվում է սովորական սիգարետների և նվազեցված ռիսկով նիկոտինային արտադրանքների տարբերությունը։
Ներկայացված ծրագրի առաջնահերթություններից է՝ հասնել նրան, որ մինչ 2040 թ. ծխողների թիվը բնակչության 5%-ից քիչ լինի։
Գործընկերական նյութ
