Օրերս Վերաքննիչ դատարանն ազատ արձակեց նախորդ տարվա փետրվարից անազատության մեջ գտնվող Դավիթ Գալստյանին՝ Պատրոն Դավոյին։ Նրան մեղադրանք էր առաջադրվել պաշտպանության նախարարությանը 1983-86 թվականների արտադրության հրանոթի համապատասխան տրամաչափի արկերի փոխարեն՝ 1977 թվականի չեխական արտադրության մեկ այլ տեսակի հրանոթի արկեր մատակարարելու համար, որը էապես զիջել է մարտավարական հատկանիշներով և կիրառելու դեպքում անհնար է եղել լուծել մարտական խնդիրներ։ Գալստյանն ազատ է արձակվել 50 մլն գրավի դիմաց։
Նրա փաստաբանը պնդում է՝ 5.5 միլիոն դոլարի չափով վնասի վերականգնումը չի նշանակում, թե կալանքից ազատ արձակված Դավիթ Գալստյանն ընդունել է իր մեղքը։
Փաստաբան Ալեքսանդր Սիրունյանը «Առաջին լրատվական»-ի հետ զրույցում, անդրադառնալով Դավիթ Գալստյանի՝ գրավի դիմաց ազատ արձակելուն, նշեց, որ եթե պետությունը քո առաջ գործարք է դնում՝ էսքան փողը բեր մուծի և ազատության մեջ կլինես, մարդն էլ մտածում է՝ փողը տամ, դուրս գամ․կդատվեմ՝ փողը կմնա պետությանը, չեմ դատվի, կմնա ինձ:
Անդրադառնալով իշխանության ներկայացուցիչների այն դիտարկումներին, որ 5.5 միլիոն դոլարի չափով վնասի վերականգնումը նշանակում է, որ Պատրոն Դավոն մուծվել է գումարը, նախկինում չէին էլ մուծվում, որ ընդունել է իր մեղքը, փաստաբանը նշեց, որ կլինի՞ թուղթը բերեք ցույց տան, որ ինքը մեղքն ընդունել է:
«Ցուցմունքի մեջ պետք է գրած լինի՝ մեղքս ընդունում եմ, կներեք: Վնասը վերականգնել դա չի նշանակում: Ավելին ասեմ, դա խոսում է մարդու օգտակար լինելու պատրաստակամության մասին: Ես Դավիթ Գալստյանին չեմ ճանաչում, հանդիպել եմ մեկ անգամ, զուտ գործնական, բայց իր քայլը ընդամենը խոսում է այն մասին, որ ինքը պետության հետ համագործակցելու քայլ է անում»,-ասաց Սիրունյանը:
Նա նշեց, որ Դավիթ Գալստյանը բիզնեսներ ունի աշխարհի մի քանի երկրներում՝ զենքի վաճառքով է զբաղվում․ որևէ մեկը կարո՞ղ է բացատրել՝ այդ ինչպես է լինում, որ որևէ պետության մեջ ինքը այդ պրոբլեմը չունի, Հայաստանում ունի:
«Այսինքն՝ ինքը որոշել էր Հայաստան բերել 1945 թվականի թնդանոթ, բա էդ ո՞նց է, որ այդ թնդանոթը չէր տանում Սերբիա, Հունգարիա, Բուլղարիա, իսկ Հայաստան բերում էր: Դա պետք է նախկին ոստիկան Դավիթ Տոնոյանին հարցնել՝ այդ ո՞նց եղավ, որ քո ժամանակ պատրոն Դավիթը սկսեց մատակարարել այսպիսի զենք, որը նախկինում չի եղել: Այդ ինչպե՞ս եղավ, որ քո ժամանակ բանակին սկսել են մատակարարել անորակ զենք ու ելակ»:
Ինչ վերաբերում է դատախազության մեկնաբանությունը, թե Դավիթ Գալստյանը գրավով ազատ է արձակվել, քանի որ նվազել է վկաների վրա նրա ապօրինի ազդեցության վտանգը, Սիրունյանն ասաց. «Ի՞նչ վկա, էդ կարգի գործը, ինչն իրենք քննում են, այդտեղ ի՞նչ վկա: Դա հո խուլիգանություն չի՞, որ ինչքան շատ մարդ պատմի՝ ով է ում քֆուր տվել, այդքան վկաները շատ լինեն, հիմնավոր լինի: Սա տնտեսական գործ է, կամ այդ հրթիռը դու առել ես, կամ չես առել: Հրթիռն էլ իր տեղում է: Գրավը չփախչելու միջոց է»:
Հարցին, թե ինչպե՞ս է գնահատում Դավիթ Տոնոյանի փաստաբանի հայտարարությունը, թե քրգործում չկան այնպիսի տեղեկություններ, որոնք թեկուզ չնչին չափով կարող են ապացուցել Տոնոյանի կալանքի տակ գտնվելը, Սիրունյանը պատասխանեց. «Ես հիմա մի ինֆորմացիա եմ տալիս, որ հենց մեկն էլի այդպես կխոսի, կարող ես ներկայացնել: Ասում ես՝ Տոնոյան, իսկ ո՞նց է լինում, որ քո մանկապարտեզի ընկերը հայկական բանակին սնունդ է մատակարարում՝ չլինելով սննդի մատակարարման ոլորտում ոչինչ: Ինքը բուժտեխնիկա ներկրող է, ընկերությունը կոչվում է «Մեդիթեք», անունն էլ՝ Անուշավան Խաչատրյան: Թող այդ ֆոկուսն էլ բացատրեն, մենք էլ օգտվենք այդ ֆոկուսից:
