Առաջիկայում արցախյան աղետալի պատերազմի շուրջ կրքերը թեժանալու են: Այս մասին «Առաջին լրատվական»-ի հետ զրույցում նշեց «Արդար Հայաստան» կուսակցության նախագահ Նորայր Նորիկյանը:
Նորիկյանին զարմացնում է խորհրդարանական ընդդիմության պահվածքը, որոնք փորձում են կասկածի տակ դնել Քննիչ հանձնաժողովի լեգիտիմությունը «Եթե ԱԺ ընդդիմությունը վախենալու բան չունի, ինչից է վախենում․ թողեք թող հետաքննեն: Փորձում են հանրությանը ցույց տալ, որ սա մարդկանց գլխատելու և գնդակահարելու հանձնաժողով է լինելու»:
Նորիկյանը կարծում է, որ շան գլուխը թաքնված է 2016-ի ապրիլյան պատերազմի մեջ․ Պետք է հասկանալ՝ ինչին էր միտված «Սասնա ծռերի» ապստամբությունը , ինչու ՀՀ բերվեց ՌԴ ազդեցության վարչապետ, ինչու դրանից հետո Սերժ Սարգսյանը Ստեփանակերտում հավաք կազմակերպեց և հենց այս հարցերին Սերժ Սարգսյանը պետք է պատասխանի քննիչ հանձնաժողովում»: