Թուրքական Radikal թերթի փոխանցմամբ՝ «Էրգենեկոն» ահաբեկչական կազմակերպության գործի շրջանակներում ձերբակալվել է Աշխատավորական կուսակցության նախագահ, հայտնի հայատյաց, Հայոց ցեղասպանության դեմ պայքարի առաջամարտիկներից Դողու Փերինչեքի որդի, քաղաքագետ ու պատմաբան Մեհմեդ Փերինչեքը։
Ստամբուլի հանրապետական դատախազ Ջիհան Քանսըզի պահանջով Մեհմեդ Փերինչեքի տանը մոտ 5 ժամանոց խուզարկություն է անցկացվել, որից հետո նա ձերբակալվել է։ Առգրավված մեծ քանակությամբ փաստաթղթերը և 11 խտասկավառակները տարվել են անվտանգության ծառայություն։
Հիշեցնենք, որ ոչ վաղ անցյալում Մոսկվայում լույս էր տեսել Մեհմեդ Փերինչեքի «Հայկական հարցը ռուսական պետական արխիվների 120 փաստաթղթերում» խորագրով գիրքը։