Երրորդ նախագահ Սերժ Սարգսյանը՝ Լեռնային Ղարաբաղի հիմնախնդրի բանակցային գործընթացի վերաբերյալ հարցազրույց ունեցավ։ Նշեց, որ եթե ինքը շարունակեր բանակցել, կամ իր թողած բանակցային ժառանգությամբ առաջ շարժվեին, բոլորովին այլ պատկեր կունենայինք։ Սարգսյանն ասաց, որ իր ձեռքի տակ կան համանախագահների բոլոր առաջարկները, բայց ինքը չի պատրաստվում դրանք հրապարակել, ավելին՝ առաջարկեց, որ Նիկոլ Փաշինյանը դա անի։ Ինչո՞ւ չեն հրապարակվում այդ փաստաթղթերը, փոխարենը միմյանց մեղադրելն է շարունակվում՝ առանց հիմնավոր ապացույցների։ Թեմայի շուրջ «Առաջին լրատվական»-ը զրուցել է Քաղաքական և տնտեսական ռազմավարական հետազոտությունների կենտրոնի տնօրեն Բենիամին Պողոսյանի հետ: