Դանիացի գիտնականները պարզել են, որ «օմիկրոն» BA.2 կորոնավիրուսային շտամի ենթատեսակը զգալիորեն ավելի վարակիչ է, քան սկզբնական BA.1 շտամը, սակայն պատվաստանյութը նվազեցնում է վիրուսի փոխանցման ռիսկը։ Այս մասին գրել է «ՌԻԱ Նովոստի»-ն` վկայակոչելով Շիճուկի դանիական պետական ինստիտուտը:
BA.2 ենթատեսակը հայտնաբերվեց այս տարվա սկզբին և արագ դարձավ Դանիայում կորոնավիրուսի գերիշխող տարբերակը՝ փոխարինելով նախնական օմիկրոնի շտամը:
Ինստիտուտի տվյալներով՝ վարակված անձի կողմից իրենց ընտանիքի անդամներին վարակելու վտանգը կազմում է 39%, այնինչ` օրիգինալ օմիկրոնի դեպքում այն կազմում էր 29%։
«Վերլուծությունները ցույց են տալիս, որ և՛ պատվաստված, և՛ չպատվաստված մարդիկ ավելի զգայուն են BA.2-ի, քան BA.1-ի նկատմամբ:
Ուսումնասիրությունները ցույց են տալիս, որ պատվաստվածները, հատկապես նրանք, ովքեր կրկին պատվաստվել են, շատ ավելի հազվադեպ են վարակվում և վարակը շատ ավելի քիչ են փոխանցում և՛ BA.1, և՛ BA.2-ի դեպքում»,- նշել է Շիճուկի դանիական պետական ինստիտուտի մասնագետ՝ Կամիլ Հոլտեն Մյոլերը։
Ինստիտուտն ընդգծում է, որ ուսումնասիրությունը դեռևս չի ենթարկվել վերանայման:
Հետազոտությունն անցկացրել են Շիճուկի դանիական պետական ինստիտուտի, Կոպենհագենի համալսարանի և Դանիայի տեխնիկական համալսարանի մասնագետները:
