ԱՄՆ-ի նախագահ Ջո Բայդենը պլանավորում Է այս տարվա մայիսի երկրորդ կեսին պաշտոնական այցով մեկնել Ճապոնիա: Փետրվարի 1-ին այդ մասին հաղորդել Է Yomiuri թերթը:
Հրատարակության կառավարական աղբյուների տվյալներով՝ կողմերն արդեն ձեռնամուխ են եղել այդ այցի ստույգ ժամկետների համաձայնեցմանը: Նշվում Է, որ Բայդենի ուղեւորությունը կհարմարեցվի Անվտանգության քառակողմ երկխոսության (Ճապոնիա, ԱՄՆ, Հնդկաստան եւ Ավստրալիա) ղեկավարների հանդիպմանը, որի անցկացման մասին այս տարվա առաջին կեսին Ճապոնիայի տարածքում ավելի վաղ հայտարարել Է վարչապետ Ֆումիո Կիսիդան:
Թերթի տվյալներով՝ Միացյալ Նահանգների նախագահը Ճապոնիա կատարելիք՝ իր այցի ընթացքում նաեւ պլանավորում Է այցելել Հարավային Կորեա: Բայդենի այցը Ճապոնիա կդառնա առաջինը նախագահի պաշտոնն ստանձնելու պահից եւ ԱՄՆ-ի նախագահի առաջին այցն այդ երկիր 2019 թվականի մայիսից ի վեր: Անվտանգության քառակողմ երկխոսությունը (Quad), որի մասնակիցներն են Ավստրալիան, Հնդկաստանը, ԱՄՆ-ը եւ Ճապոնիան, հիմնվել Է 2007 թվականին՝ որպես փոխգործակցության մեխանիզմ Ասիա – խաղաղօվկիանոսյան տարածաշրջանում եւ Հնդկական օվկիանոսի գոտում:
Չորս երկրների արտաքին քաղաքական գերատեսչությունների ղեկավարների առաջին հանդիպոմը տեղի Է ունեցել 2019 թվականի սեպտեմբերին Նյու Յորքում: 2021 թվականի մարտին կայացել Է Quad-ի առաջին գագաթնաժողովը: Համավարակի պատճառով այն կազմակերպվել Է առցանց ձեւաչափով: 2021 թվականի սեպտեմբերին Վաշինգտոնում կազմակերպվել Է միավորման առաջնա անմիջակա գագաթնաժողովը, հաղորդել Է ՏԱՍՍ-ը:
