Tuesday, 25 01 2022
18:30
Հինգ երկրներ կստեղծեն Ուկրաինայի օգնության հիմնադրամ
ՀՀ ՊՆ ռազմական ոստիկանությունում ամփոփվել են կատարված աշխատանքները
Եթե Ադրբեջանն իսկապես հավատար, որ Արցախի հարցը լուծված է, դուրս կգար Մինսկի խմբից
Մահացել է ամերիկահայ դերասան Վաչիկ Մանգասարյանը
Արցախում փակել են ադրբեջանցիների ճանապարհը, «5 ՐՈՊԵ ՊԱԿԱՍ». 17:55
ՀՀ զինված ուժերը համալրվել է նոր ուղղաթիռներով
17:30
Աթենքում 3,5 հազար մարդ են տարհանել ճանապարհին ձյան մեջ մնացած ավտոմոբիլներից
Տարածաշրջան. Վրաստան – Հունվարի 25, 2022
17:17
Լոնդոնում երկհարկանի ավտոբուսը մխրճվել է շենքի մեջ
2022-ին Հայաստանը 144 միլիարդ դրամի աջակցություն կտրամադրի Արցախին
ԲԴԽ-ում սահմանափակումներ են մտցվել
Հեղուկ գազի գինը – Հունվարի 25, 2022
Ճանապարհային ոստիկանության գործունեության հետ կապված ՀՀ գլխավոր դատախազը միջնորդագիր է հասցեագրել ՀՀ ոստիկանապետին
Այն, ինչ կատարվում է, մեծ վտանգ է մեր պետականության համար
Ազատությունից զրկված անձանց ժամկետանց դեղորայք չի տրամադրվում. Արդարադատության նախարարության պարզաբանումը
Բենզինի գինը -Հունվարի 25, 2022
16:58
ԱՀԿ-ի Գործկոմն առաջադրել Է Գեբրեյսուսի թեկնածությունը երկրորդ ժամկետով գլխավոր տնօրենի պաշտոնում
Ուկրանիան օգնություն է խնդրում աշխարհից, «5 ՐՈՊԵ ՊԱԿԱՍ». 16:55
Կրեմլում անհանգստացած են ԱՄՆ-ի կողմից լարվածության սաստկացման պատճառով
Ուկրաինական պայթյունի կովկասյան հնարավոր արձագանքները
2021թ. էականորեն աճել է ՄԻՊ-ի թեժ գծով դիմում-բողոքների թիվը
Ամեն ինչ անելու ենք ՄԻՊ-ի հետ համագործակցությունը լինի սերտ․ Անդրեասյան
Ռուսաստանում COVID-19-ով ախտահարման 67 հազար 809 նոր դեպք են հայտնաբերել անցած օրվա ընթացքում
Մարդու իրավունքների պաշտպանության ոլորտում տեսնում ենք քաղաքական կամք․ ԵՄ պատվիրակության ղեկավար
16:10
Ժոզե Մոուրինյոյի գնահատականը Հենրիխ Մխիթարյանին
Աննախադեպ 10 օր Հայաստանի ազգային հավաքականի համար
Կաթողիկոսը ընդունել է Աշոտ Մինասյանի Պաշտպանության խորհրդի ներկայացուցիչներին
ՀԱՊԿ-ը կզինի Հայաստանին, «5 ՐՈՊԵ ՊԱԿԱՍ». 15:55
Զրպարտության և վիրավորանքի հիմքով ԶԼՄ-ների դեմ դատական 60 գործ է գրանցվել. ԽԱՊԿ-ն ամփոփել է տարին
2021-ին արձանագրվել է ֆիզիկական բռնությունների 18 դեպք, որոնց ընթացքում տուժել է 20 լրագրող ու օպերատոր

Հայատյացությունն այդ ժամանակներից ի վեր չի պակասել. ՀՀ ՄԻՊ-ը Բաքվում հայերի ջարդերի 32-րդ տարելիցի կապակցությամբ ուղերձ է հղել

ՀՀ մարդու իրավունքների պաշտպան Արման Թաթոյանը Բաքվում հայերի ջարդերի 32-րդ տարելիցի կապակցությամբ ուղերձ է հղել: Ինչպես տեղեկացնում են ՄԻՊ-ի գրասենյակից, ուղերձում, մասնավորապես, նշված է.

«32 տարի առաջ այս օրը սկիզբ առած Բաքվի հայերի ջարդերը պետական հովանավորչությամբ հայատյացության ուղիղ հետևանք էին. այսօր լրանում է այդ ջարդերի 32-րդ տարելիցը` 3-րդը Բաքվում հայերի 1905թ. և 1918թ. զանգվածային ջարդերից հետո:

1990թ. հունվարի 13-19-ը ու նաև մինչ 20 Ադրբեջանի մայրաքաղաք Բաքվում տեղի ունեցած հայկական ջարդերի հետևանքով սպանվեցին, ունեզրկվեցին և խոշտանգման ենթարկվեցին բազմաթիվ հայեր: Մինչ այդ վայրագությունները Բաքվում ապրում էր 230-250 հազար հայ:

Փաստերը հաստատում են, որ Բաքվում հայերի ջարդերը կազմակերպվել էին Ադրբեջանի ժողովրդական ճակատի (ԱԱՃ) կողմից, իսկ իշխանությունները հովանավորել են դրանք:

Ադրբեջանի ազգային ճակատի հունվարի 11-ի հանրահավաքի ընթացքում Բաքվից հայերի վտարման և դեպի Ղարաբաղ լայնածավալ զինված արշավի կոչեր հնչեցին:

Հունվարի 13-ին Բաքվում հայերի ջարդերն արդեն կազմակերպված և համատարած բնույթ ստացան։ Նույն օրը երեկոյան մոտ 50,000 ամբոխը, վանկարկելով «Փա՛ռք Սումգայիթի հերոսներին», «Կեցցե՛ Բաքուն՝ առանց հայերի» և այլ կարգախոսներ, հավաքվեց Բաքվի Լենինի հրապարակում՝ հանրահավաքի:

Այնուհետև, Ճակատի ակտիվիստների ղեկավարությամբ խմբերի բաժանվելով, ջարդարարները սկսեցին հետևողական կերպով տուն առ տուն քաղաքը «մաքրել» հայերից: Առկա են բազմաթիվ վկայություններ՝ բացառիկ դաժանությամբ իրագործված վայրագությունների ու սպանությունների մասին։ Օրինակ՝ մարդկանց պատուհաններից դուրս նետելու, երկաթե ձողերով ու դանակներով սպանելու, կանանց բռնաբարելու, ողջակիզելու դեպքեր:

Ճակատի առաջնորդներից Էթիբար Մամեդովը 1990թ. հունվարին ասել է.

«Ես անձամբ վկա էի, երբ երկաթուղային կայարանից ոչ հեռու սպանեցին երկու հայի: Հավաքվել էր ամբոխը, նրանց վրա բենզին լցրին և այրեցին, իսկ երկու հարյուր մետր հեռվում Նասիմի շրջանի միլիցիայի բաժանմունքն էր, այնտեղ կային ներքին զորքերի 400-500 զինվոր, որոնք մեքենայով` 20 մետրի վրա, անցան այդ ածխացած դիակների մոտով և ոչ ոք փորձ չարեց ցրել ամբոխը»:

Բաքվի հայ փախստականների վկայությունների համաձայն՝ սկզբում բնակարան էր ներխուժում 10-20 հոգանոց խումբ և սկսում ծեծի ենթարկել, վայրագություններ անել:

Այնուհետև, հայտնվում էր Ազգային ճակատի ներկայացուցիչը, որպես կանոն, բնակարանի փոխանակման կամ, իբր, վաճառքի մասին արդեն պատշաճ կերպով ձևակերպված փաստաթղթերով, որից հետո տանտերերին առաջարկվում էր անհապաղ լքել բնակարանը և ուղևորվել նավահանգիստ: Մարդկանց հիմնականում թույլատրում էին վերցնել անձնական իրերը, սակայն, միևնույն ժամանակ, խլում էին փողը, թանկարժեք իրերը, խնայողական գրքույկները:

Փաստերը վկայում են, որ ջարդերին աջակցել են իրավապահ մարմինները, կոմունալ ծառայության աշխատողները (տրամադրել են հայերի բնակարանների հասցեները), շտապ օգնության բժիշկները (հայերի մահը ներկայացրել են՝ որպես սրտային խանգարումներ)։ Տարբեր տվյալներով սպանվել է մինչև 450 ու դրանից ավելի մարդ:

Փաստերը հաստատում են, որ խոսքը էթնիկ զտումների ու ցեղասպանության ադրբեջանական քաղաքականության մասին է, որի հիմքում հայերի նկատմամբ պետական աջակցությամբ հայատյացությունն էր:

Ապացույցները հաստատում են, որ հայատյացությունն այդ ժամանակներից ի վեր ոչ միայն չի պակասել, այլ հետագա տարիներին ականատես ենք եղել ավելի դաժան դրսևորումների:

Հայասպանությունը, ազգությամբ հային խոշտանգելը խրախուսվել է Ադրբեջանի իշխանության մարմինների կողմից:

Սրա կոնկրետ վկայություն է 2004թ. փետրվարին Բուդապեշտում միջազգային դասընթացի ժամանակ ադրբեջանական բանակի սպայի կողմից հայ սպա Գուրգեն Մարգարյանի դաժան սպանությունը կացնով իր հյուրանոցի սենյակում՝ քնած վիճակում: Նա հետագայում հանձնվեց Ադրբեջանին ու դրանից հետո ոչ միայն ազատ արձակվեց, այլ նաև արժանացավ բարձրագույն մակարդակի հերոսացման:

Արցախի բնակչության դեմ 2016թ. ապրիլյան ու 2020թ. սեպտեմբեր-նոյեմբեր ամիսների պատերազմների ընթացքում Հայաստանի մարդու իրավունքների պաշտպանի աշխատակազմն արձանագրել է օբյեկտիվ ապացույցներ, որոնք վկայում են ադրբեջանական զինված ուժերի կողմից էթնիկ պատկանելիության հիմքով վայրագությունների, այդ թվում՝ հայկական կողմի քաղաքացիական անձանց ու զինծառայողների դաժան սպանությունների, խոշտանգումների, մարմինների անարգանքի բազմաթիվ դեպքերի մասին:

Միջազգային համաշխարհային հանրությունն ու հատկապես մարդու իրավունքների պաշտպանության մանդատ ունեցող միջազգային կառույցները պետք է վճռական քայլերով նպաստեն՝ հայատյացության ու թշնամանքի դատապարտելի քարոզչությունը կանխելուն»,- նշել է Արման Թաթոյանը:

Բաժիններ
Ուղիղ
Լրահոս
Որոնում