Այսօր ՀՌԱԿ ատենապետ Հարություն Առաքելյանը, անդրադառնալով օգոստոսի 14-ի համագումարին և ատենապետի պաշտոնից հեռացված Էդվարդ Անտինյանին, տեղեկացրեց, որ այդ որոշումը համագումարն է կայացրել, քանի որ դեռ շատ շուտ «նրա մոտ փոփոխություններ է նկատել»:
Առաքելյանի խոսքերով՝ մինչև ատենապետ դառնալը, երբ հունվարի 12-ին էդվարդ Անտինյանը «Գալա» հեռուստաընկերության հյուրն է եղել, իրեն շատ տարօրինակ է պահել՝ եթերից հայտարարություններ հնչեցնելով, թե Սերժ Սարգսյանը խաղամոլ է, Ռոբերտ Քոչարյանի գլուխն է կորցրել, եթե նախկինում մի մատով էր երկիրը խառնում` հիմա 10 մատով: Սերժը վատն է, Լևոնը լավն է, Լևոնը փռշտաց և այլն:Այդ եթերից հետո Առաքելյանը հասկացել է, որ Անտինյանն առողջական խնդիրներ ունի:
Ինչ վերաբերում է այն դիտարկմանը, որ իրենք են Անտինյանին այդ պաշտոնին նշանակել, Առաքելյանը պատասխանեց, որ կուսակցականը արձան չի և աճելու, առաջ գնալու հնարավորություն ունի, և ինքը մշտապես հայտարարել է, որ պաշտոնների համար կուսակցությաններում ինտրիգներ չլինեն, այլ միանգամից մոտենան իրեն, քանի որ պաշտոնի ամենակարճ ճանապարհը ինքն է: Ավելին, արդեն 25 տարի է, ինչ կուսակցության ներսում աշխատում են, հասցրել են ընկերանալ, և բոլորի ճակատին գրված է ՀՌԱԿ:
Արձագանքելով Անտինյանի մեղադրանքներին, թե կուսակցության կնիքը կորել է, բանախոսը նշեց, որ չի կորել և գտնվում է իրենց կուսակիցներից մեկի մոտ, իսկ ինչ վերաբերում է, թե Անտինյանին չեն հրավիրել համագումարին՝ նշեց, որ Անտինյանին հարցրել են՝ կգա՞ս համագումարին, նա էլ բացասական պատասխան է տվել: Առաքելյանի խոսքերով՝ էդվարդ Անտինյանը քավո՞ր է, ազաբ բաշի՞ է, որ հրավիրեն:
Ինչ վերաբերում է ընտրություններին ՀՌԱԿ-ի մասնակցությանը, Առաքելայնն ասաց, որ միանշանակ մասնակցելու են, բայց քանի որ ՀԱԿ-ն ու իշխանությունը կանխորոշել են ընտրությունների ընթացքը, հետևաբար մյուս ուժերին կոչ արեց միավորվել՝ նկատի ունենալով «Ժառանգությանը», ՀՅԴ-ին ՏԻգրան Կարապետյանին և, ինչու չէ, «Ազատ դեմոկրտաներին», իսկ արձանագրությունը ներկայացվել է արդարադատության նախարարություն:
