«Ռեգիոն» հետազոտական կենտրոնի տնօրեն Լաուրա Բաղդասարյանը ֆեյսբուքյան իր էջում գրել է. Փաստորեն սխալվել եմ, որոշումն ընդունվել է ՀԱՊԿ պայմանագրի ոչ թե 2-րդ, այլ 4-րդ հոդվածի համաձայն, որն ամբողջությամբ նկարագրում է անդամ երկրի դեմ ագրեսիայի պարագան։
Չնայած, որ վկայակոչվում է Ղազախստանի ազգային անվտանգությանը եւ ինքնիշխանությանը սպառնալիքի առկայության պարագան, հարց է ծագում, այդ որ մի արտաքին ազդեցությունն է նման ագրեսիայի վտանգ ստեղծել։
Իսկ ես կարծում էի, թե ավելի «նրբանկատ» կգտնվեն, ու հիմք կընդունեն 2-րդ հոդվածը, որտեղ բացի խորհրդակցություններից խոսվում է նաեւ վիճակը շտկելուն ուղղված միջոցներ ձեռնարկելու մասին։ Առանց այդ միջոցները ՄԱԿ-ի կանոնադրությանը համապատասխանեցնելու մասին գրառման։
Իսկ այս պարագայում՝4-րդ հոդված, համ ակնբախ ագրեսիայի նշան չկա, համ էլ դա պետք է համապատասխանեցվի ՄԱԿ-ի կանոնադրությանը։ Դե համապատասխանեցրեք, տեսնեմ ոնց է դա արվելու։
