Վրաստանի Քութայիս քաղաքում Թուրքիայի 25-ամյա քաղաքացի Է ձերբակալվել թմրանյութերի խոշոր խմբաքանակ իրացնելու մեղադրանքով: Այդ մասին, ասվում Է ՆԳ նախարարության կայքում զետեղված հաղորդագրության մեջ:
Գերատեսչության տեղեկատվության համաձայն, ձերբակալելուց առաջ դատավորի որոշման հիման վրա իրականացվել Է մեղադրյալից թմրանյութերի ստուգիչ գնում, ինչպես նաեւ գնման գործընթացի գաղտնի աուդիո- եւ տեսանկարահանում:
Արդյունքում պարզվել Է, որ ձերբակալվածը տարբեր ժամանակներում վաճառել Է MDMA եւ հերոին թմրանյութերի խոշոր խմբաքանակ: Բաթումում ձերբակալվածի անձնական բնակարանի եւ ժամանակավոր կացարանի խուզարկության ընթացքում ոստիկանությունն առգրավել Է մետամֆիտամինի երեք փաթեթ, որոնք նախատեսված են եղել վաճառքի համար:
Հետաքննությունը տարվում Է Վրաստանի քրեական օրենսգրքի 260 հոդվածով՝ «Հատկապես խոշոր չափերով թմրամիջոցների, դրանց համանմանների, նախորդողների կամ նոր հոգեակտիվ նյութերի անօրինական պատրաստում, ձեռքբերում, պահում, տեղափոխում, առաքում կամ իրացում»:
Հանցագործությունը պատժվում Է ութից մինչեւ 20 տարի ժամկետով ազատազրկմամբ կամ ցմահ բանտարկությամբ: Վրաստանի ՆԳ նախարարության տվյալների համաձայն, ծանր թմրանյութերը երկրում հայտնվում են Արեւելքից՝ «Պոնիչալա կանալի» (Թբիլիսիի ծայրամաս) միջոցով: Եվրոպայից Վրաստան են բերում այսպես կոչված «կծիքով թմրանյութեր», իսկ թմրանյութերի տարածման եւ իրացման գլխավոր ուղին Ինտերնետի միջոցով վաճառքն Է, հաղորդել Է Sputnik-ը: