2020 թվականից Նորդ Մոթորս ընկերությունը հանդիսանում է շվեդական Վոլվո բրենդի պաշտոնական ներկայացուցիչը Հայաստանում:
Վերջերս տեղի ունեցավ խանութ–սրահի պաշտոնական բացման արարողությունը, որի ընթացքում ներկայացվեց Վոլվո ավտոմեքենաների մոդելային շարքը: Միջոցառման տպավորիչ հատվածներից մեկը Վոլվոյի ամենահայտնի քրոսովերի 3D անիմացիոն շնորհանդեսն էր, որի վերջում բացվեց վարագույրն ու հյուրերը հնարավորություն ունեցան տեսնելու 2021 թվականի լավագույն ընտանեկան մեքենաներից մեկն՝ ըստ Parents Magazine–ի՝ Volvo XC90-ը:
Այսուհետ Գայի պողոտա 14/3 հասցեում կարող եք գտնել Վոլվոյի մարդատար մոդելների շարքը եւ ընտրել ձեզ ու ձեր ընտանիքին հարմար սկանդինավյան ոճի ավտոմեքենա։ Սրահում ներկայացված բոլոր մոդելները հասանելի են թեստ դրայվի համար:
Վոլվո ընկերությունը հիմնադրվել է 94 տարի առաջ, եւ իր պատմության ողջ ընթացքում մշտապես կարեւորել է անվտանգությունը։ Վոլվոն է եղել պատմության մեջ անվտանգության գոտի ստեղծողը։
Խանութ-սրահի բացման գովազդային արշավը վստահվեց Դոպինգ գովազդային ընկերությանը: Դոպինգը, առաջնորդվելով բրենդի փիլիսոփայությամբ, արշավը վերնագրեց «Նոր սերնդի համար», որովհետեւ անվտանգության մասին մտածելիս առաջին հերթին նկատի է առնվում երեխաների անվտանգությունը:
Արշավի շրջանակներում որոշվեց, որ նոր սերնդի Volvo XC 90-ի պաստառները պետք է ներկայացնեն հենց երեխաները՝ նրանք, ում մասին բրենդն ամենաշատն է հոգ տանում: Սկզբում երեխաները ծանոթացան մեքենայի բոլոր առանձնահատկություններին, հետո, տպավորություններով ոգեւորված, նկարեցին մեքենան սեփական պատկերացումներով: Հենց այդ նկարների հիման վրա էլ մշակվել են պաստառները, որոնք արդեն կարող եք տեսնել քաղաքի տարբեր անկյուններում:
Ի դեպ, բրենդը վստահ քայլերով շարժվում է դեպի էլեկտրական ապագա:
