ԱԺ տնտեսական հարցերի մշտական հանձնաժողովի նախագահ Վարդան Այվազյանն «Առաջին լրատվական»-ի հետ զրույցում տեսակետ հայտնեց, որ համաշխարհային ճգնաժամի նոր ալիքը, բնականաբար, բացասական ազդեցություն կթողնի ՀՀ-ի վրա. «Ո՞նց կարող է ճգնաժամը որևէ մեկի վրա դրական ազդեցություն թողնել: 2008-ի ճգնաժամի թողած հետևանքներն ենք նոր-նոր, կամաց-կամաց… այսպես ասած՝ տեղից շարժվում ենք, բայց ո՞նց կարող է պատահի ճգնաժամը՝ իր հետևանքներով, մեզ վրա բացասական ազդեցություն չթողնել: Ճգնաժամը հենց դրա համար է կոչվում ճգնաժամ, որ ինքն ամբողջապես է բացասական ազդեցություն թողնում, նայած ինչ տեսակի է»:
Վ.Այվազյանի բնորոշմամբ՝ բոլոր դեպքերում ցանկացած ճգնաժամ առաջին հերթին ազդում է տնտեսության վրա: Նրա խոսքով՝ շատ հնարավոր է՝ ճգնաժամի 2-րդ ալիք լինի, որովհետև միջազգային բորսաներում ինդեքսների անկումները, ԵՄ-ում տեղի ունեցող պրոցեսները, որ հիմնականում ֆինանսական քաղաքականության հետևանքներ են, լուրջ պրոբլեմներ են առաջացրել համաշխարհային տնտեսության մեջ:
«Իսկ այն երկրները, որտեղ դիվերսիֆիկացիան ավելի քիչ է, ճգնաժամն ավելի էական ազդեցություն է ունենում»,- նկատեց Վ. Այվազյանը:
