Ներքին գործերի նախկին նախարար Սուրեն Աբրահամյանն այսօր մեզ հետ զրույցում, անդրադառնալով ոստիկանության վերջին գործողություններին, կապված ապամոնտաժվող կրպակների, ՀԱԿ ակտիվիստների հետ, նշեց, որ ապամոնտաժված կրպակների հարցում սխալ է ոստիկանության գործողություններին միանշանակ գնահատական տալը այն պարզ պատճառով, որ դա բավականին ցավոտ սոցիալական խնդիր է, որ քաղաքապետարանն է «բզբզել»:
«Նա կարող էր մի քիչ ավելի խելոք գործեր, որ հասարակությանը այդ աստիճան չընդդիմացներ: Իսկ ոստիկանությունը վերջին հաշվով կատարող օրգան է: Այսինքն՝ դա ավելի շուտ քաղաքապետարանին բնութագրող քայլ է, քան ոստիկանությանը»,- նշեց Սուրեն Աբրահամյանը:
Ինչ վերբերում է ՀԱԿ ակտիվիստների և ոստիկանության միջև ծագած միջադեպին, Սուրեն Աբրահամյանն ավելացրեց, որ քանի դեռ ոստիկանությունը չի դադարել ընդդիմության «օպոնենտը» դառնալ, քանի դեռ չի դադարել քաղաքականությամբ զբաղվել՝ նման միջադեպեր հա էլ լինելու են:
