Ուկրաինացի մի խումբ քաղաքական գործիչներ պատրաստվում են մեկնել Թբիլիսի և այցելել Վրաստանի ձերբակալված նախկին նախագահ Միխեիլ Սաակաշվիլիին: Այս մասին հայտարարել է Գերագույն ռադայի «Ժողովրդի ծառան» խմբակցության պատգամավոր Ալեքսանդր Կաչուրան, գրում է РИА Новости-ն:
Ուկրաինացի խորհրդարանականը նշել է, որ , Ուկրաինայի ԱԳՆ-ն պետք է անի ամեն ինչ՝ Սաակաշվիլիին Կիև վերադարձնելու համար: Նաև կոչ է արել դիվանագետներին՝ ապահովել Վրաստանում քաղաքական գործչի անվտանգությունն ու իրավունքների պահպանումը:
«Մենք դիտարկում ենք Վրաստան թռիչքի հնարավորությունը՝ որպես դեսանտ, որպեսզի տեսնենք, թե ինչ պայմաններում է պահվում Միխեիլ Նիկոլոզովիչը», – ընդգծել է Կաչուրան:
Սաակաշվիլին ձերբակալվել էր ընտրություններից մեկ օր առաջ Վրաստան վերադառնալուց հետո։ Բանտում քաղաքական գործիչը հացադուլ է հայտարարել: Հայտնի է դարձել, որ գաղութի աշխատակիցների 90 տոկոսը, որտեղ գտնվում է Սաակաշվիլին, նրա երկրպագուներն են: