Եվրոպական երկրներում սկսել են նորովի պայքարել անխոհեմ վարորդների դեմ: Դանիայում հետիոտնային անցումներում տեղադրել են 3D օպտիկական պատրանքի սարքեր:
Դանիայի մեծությամբ երկրորդ Օրհուս քաղաքի ճանապարհներին սկսել են է նորարական մոտեցում ցուցաբերել: 3D մոդելավորման օգնությամբ ճանապարհին երևում են եռաչափ անցումային գծեր, որոնք կարծես օդում կախված լինեն. դրանք հստակ տեսանելի են անխոհեմ վարորդներին, գրում է Euronews- ը:
Օպտիկական պատրանքը բավականին իրական տեսք ունի։ Տեխնոլոգիական այս մոտեցմամբ դանիացիները սկսել են նոր ձևով պայքարել ճանապարհատրանսպորտային պատահարների դեմ՝ ստիպելով տրանսպորտի վարորդներին կանգնեցնել մեքենան և թույլ տալ, որ հետիոտներն անցնեն:
«Հուսով ենք, որ մեքենաների տերերը և հեծանվորդները ավելի զգույշ կլինեն ճանապարհը հատող մարդկանց նկատմամբ: Այդ նպատակով մենք ստեղծեցինք նման գոտիներ, 3D անցումներ: Նրանք գրավում են ճանապարհային երթևեկության բոլոր մասնակիցների ուշադրությունը և միևնույն ժամանակ հետիոտներին ստիպում ճանապարհն անցնել ճիշտ վայրով», – բացատրել է ծրագրի ղեկավար Ռիկե Սմեդ Վինդինգը:
Օրհուսում նոր զեբրերի փորձարկումները կտևեն մինչև 2024 թ: Դանիայի իշխանությունները կվերլուծեն ծրագրի ազդեցությունը և, դրական արդյունքի դեպքում, այդ պրակտիկան կտարածեն այլ բնակավայրերի վրա: Նմանատիպ տեխնոլոգիա արդեն օգտագործվում է Իսլանդիայում, Ավստրալիայում, Թաիլանդում:
