Ժամեր անց կմեկնարկի այս մրցաշրջանի առաջին «Էլ Կլասիկո»-ն: Իսպանիայի սուպերգավաթի առաջին խաղը կկայան «Սանտիագո Բերնաբեու» մարզադաշտում, որտեղ «Արքայական» ակումբի առաջատար Կրիշտիանու Ռոնալդուն կարող է դառնալ իր 100-րդ գոլի հեղինակը «Ռեալ»-ի մարզաշապիկով:
Ռոնալդուն 2 տարի մի քանի ամիս է ինչ հանդես է գալիս «Ռեալ»-ի կազմում և այդ ընթացքում դարձել է 99 գոլի հեղինակ, որոնցից 66-ը նա հեղինակել է Իսպանիայի առաջնություններում, 7-ը` Իսպանիայի գավաթի խաղարկություններում, 13-ը` Չեմպիոնների լիգայում, ևս 12 գոլ պորտուգալացին խփել է ընկերական հանդիպումներում:
«Բարսելոնա»-ի հետ խաղերում Ռոնալդուն դարձել է ընդամենը 2 գոլի հեղինակ, սակայն դրանցից մեկը Իսպանիայի գավաթի խաղարկության եզրափակիչում հաղթանակ եղավ «Արքայական» ակումբի համար:
