«Թալիբանի» առաջնորդը քաղբանտարկյալների ազատ արձակման մասին հրաման է ստորագրել

«Թալիբան» արմատական շարժման գերագույն առաջնորդ Մուլավի Հայբաթուլլա Ահունդզադան հրամայել է Աֆղանստանի բոլոր բանտերից ազատ արձակել քաղբանտարկյալներին։ Այս մասին հայտարարել է թալիբների պաշտոնական ներկայացուցիչ Կարի Յուսուֆ Ահմանդին իր թվիթերյան էջում։

Օգոստոսի 17-ին շարժման ներկայացուցիչները պահանջել էին խաղաղ բնակչությունից հանձնել զենքը և զինամթերքը։ Նրանք նաև հայտարարել էին, որ չեն ցանկանում ոչ մեկից վրեժխնդիր լինել և արձակել են բոլոր հակառակորդների համաներման հրաման։

Նրանք նաև հրավիրել են կանանց մասնակցելու երկրի կառավարման գործին։