«Թալիբան» արմատական շարժման գրոհայինները լիովին զավթել են Քաբուլն ու իրենց դրոշը բարձրացրել նախագահական պալատի վրա։ Այս մասին հայտնում է Al Jazeera հեռուստաալիքը։
Թալիբները տոնում են իրենց հաղթանակն ու լուսանկարվում պալատի տարբեր սրահներում, այդ թվում՝ պետության ղեկավարի կաբինետում։ Նրանց վերահսկողության տակ են պետական բոլոր հաստատությունները, նրանք կազմակերպել են քաղաքում գիշերային պարեկություն։ Քաբուլի զավթումից հետո առաջին գիշերը թալիբները սկսել են քաղաքացիների համար նախազգուշացմամբ, որ չպետք է փողոց դուրս գալ մինչև առավոտյան ժամը 7-ը։
Արմատական շարժման ներկայացուցիչները պահանջել են այլ պետություններից հնարավորիս շուտ դուրս բերել իրենց զինվորականներին Աֆղանստանից։