«Իտալիայի երկաթուղիների ցանցի» ղեկավարությունը նախազգուշարել Է Հռոմ – Տիվոլի երթուղում գնացքների երթեւեկության չվացուցակում լուրջ խախտումների մասին՝ երկաթուղիների մերձակայքում անտառային հրդեհի պատճառով: Օգոստոսի 13-ին համապատասխան հաղորդագրությունը հրապարակվել Է ընկերության կայքում:
Ընկերության տվյալներով՝ վեց տարածաշրջանային գնացքների մեկնումն ուշանում Է ավելի քան մեկ ժամով, սահմանափակված են 24 գնացքների երթուղները: Բացի դրանից, չեղարկվել են հինգ տարածաշրջանային գնացքներ: Մեկ օր առաջ անտառային հրդեհի պատճառով դադարեցվել Է գնացքների երթեւեկությունը Տիվոլիի եւ Մարչելինայի միջեւ, իշխանությունները տարահանել են մի քանի տասնյակ մարդու:
Իտալիայում անտառայտին հրդեհների հետ կապված իրադրությունը վատթարացել Է անոմալ բարձր ջերմաստիճանների պատճառով: Վերջին օրերին Ապենիններում հայտնաբերվել են բռնկման տասնյակ տեղային օջախներ, առավելապես հարավային մարզերում՝ Ապուլիայում, Կալաբրիայում, Սիցիլիայում, ինչպես նաեւ Սարդինիայում: Անտառային հրդեհների զոհ Է դարձել առնվազն հինգ մարդ: Իտալիայի վարչապետ Մարիո Դրագին օգոստոսի 12-ին հայտարարել Է, որ կառավարությունը մշակում Է տուժած մարդանց եւ ձեռնարկություների օգնության ծրագիր, ինչպես նաեւ անտառների վերականգնման պլան:
Ինչպես հայտնել Է Անտառային հրդեհների մասին տեղեկատվության Եվրոպայի համակարգը, Իտալիայում տարեսկզբից այրվել Է 103 հազար հեկտար տարածություն: Այս պահին Եվրամիությունում այրված տարածքների մակերեսով Իտալիան զիջում Է միայն Հունաստանին, հաղորդել Է ՏԱՍՍ-ը:
