Տավուշում կան ադրբեջանական գյուղեր, որոնք գտնվում են մեր տիրապետության տակ։ Չեմ բացառում, որ դրանք կարող են փոխանակվել։ Ես կարծում եմ, որ կա խնդիր, որը պետք է նստել, խոսել, հասկանալ. ԱԺ-ում լրագրողների հետ ճեպազրույցի ընթացքում հայտնել է «Քաղաքացիական պայմանագիր» խմբակցության պատգամավոր Վահե Ղալումյանը։
Հայ-ադրբեջանական սահմանին ՀԱՊԿ-ի հետ ունեցած պարտականությունների շրջանակներում ռուսական զորքերի տեղակայման վերաբերյալ հարցին, պատգամավորը պատասխանեց.
«Մենք ՀԱՊԿ-ի հետ ունենք պայմանագիր, որը մեր տարածքների հետ կապված խնդիրների դեպքում կարող է գործել, ինչ-որ պահից պետք է սկսի այդ համագործակցությունը»,– ասաց Ղալումյանը՝ հավելելով, որ այս պահին Տավուշում որևէ խնդիր չկա։
