Արտախորհրդարանական ուժերի հետ հետընտրական հանդիպումներում վարչապետի պաշտոնակատար Նիկոլ Փաշինյանը, որի ուժը արտահերթ ընտրությանը ստացավ խորհրդարանում բացարձակ մեծամասնություն կազմելու հնարավորություն, առաջարկել է ստեղծել արտախորհրդարանական ուժերի պալատ: Գաղափարը կոնսոլիդացիայի, համերաշխության այն տրամաբանության շրջանակում է, որի կոչը քաղաքական ուժերին հնչեցրել է Նիկոլ Փաշինյանը հետընտրական հանրահավաքում: Թեմայի շուրջ «Առաջին լրատվական»-ը զրուցել է Պահպանողական կուսակցության նախագահ Միքայել Հայրապետյանի հետ:
Հայրապետյանի կարծիքով՝Հայաստանում ծռված նժարների վիճակ է․ վարչապետը փորձում է համակշռություն ապահովել․ «Խեղդվողների փրկության գործը խեղդվողների գործն է: Երեք ուժ է անցել խորհրդարան․ դաշտը ատախորհրդարանական է»:
Զրույցի վերջում Միքայել Հայրապետյանը ավելացրեց՝ պատմությունը կրկնվում է իդիոտների համար, մենք կորցրել ենք ավյունը:
