ՀՀ պաշտպանության նախարարությունը հերքում է Ադրբեջանի ՊՆ–ի այն հայտարարությունը, թե հայկական կողմը գնդակոծել է Թովուզի ադրբեջանական դիրքերը։
«Դա հերթական ապատեղեկատվությունն է։
Հայկական կողմն ադրբեջանական զինված ուժերի ուղղությամբ կրակոցներ չի արձակել»,–ասվում է հայտարարության մեջ:
Ադրբեջանի ՊՆ–ն հայտարարել էր, թե հունիսի 24-ին ժամը 14:30-ից, ՀՀ Զինված ուժերի ստորաբաժանումները Բերդի շրջանի Այգեձոր գյուղի մոտ տեղակայված դիրքերից հրաձգային զինատեսակներից գնդակոծել են ադրբեջանական բանակի դիրքերը Թովուզի շրջանի Մունջուղլու գյուղի ուղղությամբ։
