ԱՄՆ նախագահ Ջո Բայդենը շնորհավորել է Իսրայելի նոր վարչապետ Նաֆթալի Բենեթին և նրա հետ իշխանությունը կիսող Յաիր Լապիդին՝ պաշտոնը ստանձնելու կապակցությամբ: Նա խոստացել է զարգացնել համագործակցությունն Իսրայելի հետ՝ անվանելով ԱՄՆ-ն Իսրայելի լավագույն բարեկամ։ Այս մասին հայտնում է «ՌԻԱ Նովոստին»:
«Իմ վարչակազմը լիովին հանձնառու է Իսրայելի նոր կառավարության հետ աշխատանքի՝ իսրայելցիների, պաղեստինցիների և տարածաշրջանի ողջ բնակչության համար անվտանգության, կայունության և խաղաղության ապահովման համար», – գրավոր հայտարարության մեջ նշել է ԱՄՆ նախագահը:
Հունիսի 13-ին հայտնի էր դարձել, որ 12 տարում առաջին անգամ Իսրայելի վարչապետը փոխվել է։ Նոր վարչապետ է դարձել աջակողմյան «Յամինա» կուսակցության առաջնորդ Նաֆթալի Բենետը։
Կնեսետը հաստատել է նոր կառավարությունը մեկ ձայնի առավելությամբ՝ 60 պատգամավոր կողմ է քվեարկել, 59-ը՝ դեմ։
Առաջիկա երկու տարիներին երկրի վարչապետի պաշտոնը կզբաղեցնի Նաֆթալի Բենետը, ինչից հետո ըստ կոալիցիոն համաձայնագրի՝ վարչապետի պաշտոնը կստանձնի Յաիր Լապիդը։