Ավստրալիայի արևելյան նահանգներում բավական խիստ ձմեռային եղանակ է արձանագրվել։ Reuters լրատվական գործակալության փոխանցմամբ՝ Վիկտորիա նահանգի Տրարալգոն քաղաքում 26 հազար բնակչի տարհանման հրաման են տվել, քանի որ հորդառատ անձրևները և ուժգին քամիները ջրհեղեղների պատճառ են դարձել։
Փրկարարներն ավելի քան 5000 կանչ են ստացել։ Ոստիկանությունը հաղորդել է ջրհեղեղի պատճառով 1 զոհի մասին։ Քամին տապալել է ծառեր, տասնյակ հազարավոր մարդիկ մնացել են առանց էլեկտրականության։
Իսկ Նոր Հարավային Ուելս նահանգի Օրինջ քաղաքը ծածկվել է ձյունով։
