Ճապոնիան բողոք Է հայտարարել Չինաստանին Արեւելա-չինական ծովում Սենկակի (չինական անվանումը՝ Դյաոյույդաո) վիճելի կղզեխմբի շրջանում ՉԺՀ-ի պարեկային նավերի երկարատեւ գտնվելու կապակցությամբ: Այդ մասին լրագրողներին հայտնել Է Ճապոնիայի ԱԳ նախարարության ղեկավար Տոսիմիցու Մոտեգին: Նա նշել Է, որ չինական նավերի մուտքը ծովի այդ շրջան, ինչպես նաեւ դրանց պարբերաբար ներթափանցումը Ճապոնիայի տարածքային ջրեր նկատվում Է արդեն 112 օր: «Դա չափազանց կարեւոր Է, մենք վճռական բողոք ենք հայտարարել»,-ընդգծել Է նախարարը:
NHK հեռուստաալիքը, հաղորդելով չինական նավերի մասին, նշել Է, որ չինական նավերը ոչ միայն մտել են Ճապոնիայի տարածքային ջրեր, այլեւ մոտեցել են ճապոնական ձկնորսական նավերին: Ճապոնիայի առափնյա պահպանության ուժերը շարունակում Է գտնվել մարտական պատրաստության վիճակում: Առափնյա պահպանությունն իր մեկնաբանության մեջ հայտարարել Է, որ միջազգային եւ ներքին օրենսդրությանը համապատասխան վճռական գործողություններ կձեռնարկի լարվածության Էսկալացիան կանխելու նպատակով: Կղզեխումբը փաստորեն վերահսկում Է Ճապոնիայի կողմից:
Այս երկրի կառավարությունը պնդում Է, որ կղզին Ճապոնիայի տարածքի անքակտելի մասն Է պատմության եւ միջազգային իրավունքի տեսակետից: Չինաստանը քանիցս հայտարարել Է, որ Դյաոյույդաո կղզեխումբը եւ դրա հարակից կղզիները հնագույն ժամանակներից չինական տարածք Է, եւ Չինաստանն անվիճելի ինքնավարություն ունի այդ կղզիների նկատմամբ, հաղորդել Է «Ինտերֆաքս»-ը:
