Ryanair ինքնաթիռը, որը թռչում էր Աթենքից Վիլնյուս և ականապատման մասին հաղորդագրության պատճառով շտապ վայրէջք էր կատարել Մինսկի օդանավակայանում, ժամանել է Լիտվայի մայրաքաղաքի օդանավակայան, այս մասին հաղորդում է Ռիա Նովոստին՝ վկայակոչելով Flightradar24 ավիացիոն պորտալը։
Ինքնաթիռը Վիլնյուսի օդանավակայանում վայրէջք է կատարել Մոսկվայի ժամանակով 21: 27-ին:
Կատարվածի առնչությամբ ավելի ուշ պարզաբանում ստացվեց , որ ինքնաթիռի ականապատման մասին տեղեկությունները չեն հաստատվել: Բելառուսի քննչական կոմիտեն հայտարարել է կեղծ հաղորդման փաստի առթիվ քրեական գործ հարուցելու մասին:
Բելառուսի Պաշտպանության նախարարությունը հայտարարել է, որ երկրի օդային տարածքում օդանավի հնարավոր ականապատման մասին տեղեկություն ստանալուց հետո ՀՕՊ հերթապահ ուժերը նախազգուշացվել են և բերվել են թիվ 1պատրաստվածության աստիճանի, իսկ 120-ից ավելի ուղևոր տեղափոխող ինքնաթիռին Մինսկի օդանավակայան ուղեկցել է ՄիԳ -29-ը:
Միջադեպի հետ կապված Լիտվայում քրեական գործ է հարուցվել օդանավի առևանգման փաստով, հայտնել է ոստիկանության գլխավոր կոմիսարի տեղակալ Արունաս Արլաուսկասը:
Հիշեցնենք, որ Եվրամիության երկրների և կառավարությունների ղեկավարները մայիսի 24-ին կայանալիք գագաթնաժողովում կքննարկեն Մինսկում Ryanair-ին պատկանող ինքնաթիռի արտակարգ վայրէջքի հետ կապված միջադեպը։