Բևեռային ծովային երկրաբանական արշավախմբի ներկայացուցիչ Դմիտրի Վորոբյովը մեկնաբանել է Անտարկտիկայում ամենամեծ սառցաբեկորի պոկվելու հետևանքով առաջացած իրավիճակը:
Նա հայտարարել է, որ А-76 անունը ստացած սառցաբեկորը նավարկությունների համար վտանգ չի ներկայացնում և ամենայն հավանականությամբ կքայքայվի առաջիկա մի քանի տարիների ընթացքում:
«Մի քանի հազար տարիների ընթացքում սառցաբեկորը փակում էր արևի լույսի ճանապարհը և ամենայն հավանականությամբ սառցաբեկորի տակ եղած էկոհամակարգը ունի իր յուրահատկությունները: Ենթադրում եմ, որ սառցաբեկորի արտաքին շերտի հալվելու պատճառով , դրա տակ ջուրն ավելի քիչ աղի է, ինչը խթանում է տարբեր օրգանիզմների զարգացմանը »,-ասել է գիտնականը:
Սառցաբեկորի երկարությունը 170 կմ, իսկ լայնությունը՝ 25 կմ։Այն այժմ գտնվում է Վեդդելի ծովում:
Գիտնականը նշել ,է որ վերջին մի քանի տարիների ընթացքում սա առաջին հսկա սառցաբեկորը չէ, որ պոկվում է Վեդդելի ծովում:
Ապրիլի 19-ին հայտնի էր դարձել, որ Խաղաղ օվկիանոսում հալչել է մարդկության պատմության մեջ ամենամեծ սառցաբեկորը, որը ստացել էր А-68 անվանումը:
Նշվում էր, որ Անտարկտիկայում 4 տարի առաջ այդ սառցաբեկորի մակերեսը կազմում էր 6 հազար քառակուսի կիլոմետր, ինչը 2,5 անգամ մեծ է Մոսկվայի մակերեսից:
