Անձնական կյանքում խնդիրները, ֆինանսական դժվարությունները, բացասական լուրերը շատերի մոտ կարող են դեպրեսիայի՝ ընկճախտի պատճառ դառնալ: Ապացուցված է, որ բացասական հույզերը կարող են առողջ մարդու մոտ հանգեցնել առողջական լուրջ խնդիրների: Ահա թե ինչպիսի.
1. Դեպրեսիա
Կանադացի գիտնակաների մի խումբ վերջերս հրապարակել է հետազոտություն կլինիկական դեպրեսիայով տառապող հիվանդների մասին: Պարզվել է, որ մոտ 10 տարի դեպրեսիան աչքաթող արած հիվանդների ուղեղում կա հատուկ սպիտակուց՝ TSPO, որը առկա է լինում այն մարդկանց ուղեղում, որոնք հիվանդանում են Պարկինսոսնի և Ալցհեյմերի հիվանդությամբ:
Այն հիվանդների մոտ, որոնք հակադեպրեսանտներ են ընդունել, այդ սպիտակուցի քանակը չի ավելացել, ինչը նշանակում է, որ դեպրեսիան հնարավոր է և պետք է բուժել:
2. Էրեկցիայի խանգարում
Տղամարդկանց համար զգայուն այս խնդիրը նույնպես կարող է լինել քրոնիկ սթրեսի հետևանք: Էրեկցիան ուղղակի կապ ունի նյարդային համակարգի՝ հատուկ նյութի արտադրության հետ, որը պատասխանատու է արյան հոսքի համար: Այդ պատճառով հուզահոգեբանական խնդիրները կարող են ազդել էրեկցիայի վրա:
3. Սրտի իշեմիկ հիվանդություն
Այս հիվանդության դեպքում անոթները բավարար քանակի թթվածին չեն մատակարարում սրտին: Սրտի իշեմիկ հիվանդությունը կարող է հանգեցնել ինֆարկտի: Ապացուցված է, որ հիվանդության հետևանքների վերացման համար կարևոր է կյանքից հաճույք ստանալը և ֆիզիկապես ակտիվ լինելը: Դա նշանակում է, որ անգամ վիրահատությունից հետո, երբ արյան հոսքը դեպի սիրտը կարգավորվել է, դեպրեսիայով տառապող հիվանդները դժվար են վերականգնվում:
Փաստորեն՝ անվիճելի է, որ դեպերսիան ու քրոնիկ սթրեսը բացասաբար են ազդում առողջության վրա: Ամեն տարի այդ թեմայով բազմաթիվ հետազոտություններ են արվում, մասնագետները փորձում են մարդկանց բացատրել, որ բացասական հույզերը պետք է փոխարինել դրականով, հաճույք ստանալ կյանքից, վայելել թեկուզ մանրուքները: Դա հենց նշանակում է հոգ տանել սեփական հոգեկան առողջության մասին:
