Թուրքիայի իշխող «Արդարություն և զարգացում» կուսակցությունը դատապարտել է Էրդողանի կողմից հակասեմական արտահայտությունների վերաբերյալ ԱՄՆ պետդեպարտամենտի մեղադրանքները:
«Վճռականորեն դատապարտում ենք մեր նախագահի վերաբերյալ ԱՄՆ պետդեպարտամենտի հայտարարությունը: Ողջամիտ և ճիշտ չէ մեր նախագահին մեղադրել հակասեմականության համար: Մեր նախագահի մասին ամբողջ ասվածը սուտ է: Մեձր նախագահը հակասեմականությունն ու իսլամոֆոբիան դասում է ատելության հողի վրա առաջացած հանցագործությունների շարքը»,- իր թվիթերյան էջում գրել է կուսակցության մամուլի քարտուղար Օմեր Չելիկը:
Երեքշաբթի օրը ԱՄՆ պետդեպարտամենտի մամուլի ծառայության ղեկավար Նեդ Փրայսի գրավոր հայտարարության մեջ ասվում էր, որ Միացյալ Նահանգները «վճռականորեն դատապարտում է հրեա ժողովրդի նկատմամբ նախագահ Էրդողանի հասաեմական արտահայտությունները»:
Վաշինգտոնը նաև Էրդողանին կոչ է արել «ձեռնպահ մնալ ատելություն հրահրող հայտարարություններից, որոնք կարող են հետագա բռնություններ հրահրել»: