Աշխարհը շարունակում է հետևել իսրայելա-պաղեստինյան հակամարտության հերթական սրացմանը, բախումները չեն դադարում: Իսրայելում հրթիռահարումների և ռմբահարումների հետևանքով հայերի շրջանում զոհեր և վիրավորներ չկան, ընդհանուր առմամբ իրավիճակը շարունակում է մնալ լարված: Այս մասին «Առաջին Լրատվական»-ի հետ զրույցում ասաց Իսրայելում հավատարմագրված լրագրող, Պետախ Տիկվա քաղաքի իսրայելահայերի «Նաիրի» միության նախագահ Արտյոմ Չերնամորյանը: Մեր զրուցակցի խոսքով՝ Իսրայելում պատերազմական վիճակ հայտարարված չէ, ինչպես իշխանություններն են նշում, անցկացվում է հերթական ռազմական օպերացիան, ինչը նշանակում է, որ ցանկացած ոք պարտավոր է ներկայանալ աշխատանքի: «Երկուստեք արյուն է թափվում, Երուսաղեմում իրավիճակը մի փոքր հանդարտվել է այն առումով, որ հրթռիներ քաղաքի ուղղությամբ չեն արձակվում, բայց փողոցներում ընդհարումները շարունակվում են»: Հարցազրույցն ամբողջությամբ՝ տեսանյութում: