Լիբանանի տարածքից Իսրայելի ուղղությամբ 6 հրթիռ է արձակվել, որոնք չենք հասել նպատակակետին։Այս մասին հայտնել է Իսրայելի պաշտպանության բանակն իր թվիթերյան էջում։
«Ի հայտ է բերվել Լիբանանից հրթիռների արձակման 6 անհաջող փորձ։ Դրանք չեն հասել Իսրայելի տարածք։ Ի պատասխան՝ Իսրայելի պաշտպանության բանակի հրետանին խոցել է կրակի աղբյուրները»,-ասված է հաղորդագրության մեջ։
Զինվորականների խոսքով՝ օդային տագնապի ազդանշաններն աշխատել են Իսրայելի հյուսիսային Միսգավ-Ամ բնակավայրում, որը գտնվում է Լիբանանի հետ սահմանից ոչ հեռու։
ԶԼՄ-ների հաղորդմամբ՝ հրթիռներն արձակել են այդ երկրում տեղակայված պաղեստինյան շարժումների անդամերը։
Սա հակամարտության սրացումից ի վեր Իսրայելի ուղղությամբ հրթիռներ արձակելու երկրորդ դեպքն է։ Հինգշաբթի Իսրայելի հյուսիսի ուղղությամբ Լիբանանից արձակվել էր 3 հրթիռ։ Դրանք ընկել էինք անապատային տարածքում։ Հաջորդ օրը ևս 3 հրթիռ էր արձակվել Սիրիայի տարածքից, որոնցից մեկն ընկել էր սիրիական հողում։
