Ալկոհոլային խմիչքների օգտագործումը անթույլատրելի է նրանց համար, ովքեր հիվանդացել են COVID-19-ով, քանի որ օրգանիզմի վիրուսային թունավորմանն ավելանում է նաև ալկոհոլային թունավորումը։ РИА Новости-ի փոխանցմամբ՝ այս մասին հայտնել է Մոսկվայի գլխավոր նարկոլոգ Եվգենի Բրյունը:
«Դա կտրականապես արգելվում է: Ցանկացած վիրուսային հիվանդություն, ներառյալ COVID-19-ը, թունավորում է, որին նաև ավելանում է ալկոհոլային թունավորումը, և կենսաքիմիական ամբողջ կայուն պատկերը փչանում է», – ասել է Բրյունը՝ պատասխանելով այն հարցին՝ արդյոք կարելի՞ է ալկոհոլ խմել կորոնավիրուսով հիվանդացածներին:
Նարկոլոգը հիշեցրել է, որ ալկոհոլի օգտագործումը վնասակար է նաև առողջ մարդու համար՝ լինի դա բնության մեջ, թե փակ տարածքում:
«Նրանք, ովքեր ամառանոցներ են մեկնում ինչ-որ բան անելու, հույս ունեն, որ ալկոհոլի ազդեցությունը կլինի նվազագույնը, բայց բնության հետ հանդիպման բերկրանքը երբեմն ուղեկցվում է ալկոհոլային խմիչքների չարաշահմամբ: Ես դեմ եմ ալկոհոլի շատ օգտագործմանը նաև տներում, բնակարաններում, որտեղ տոթ է, մարդիկ սկսում են ծխել և խմել, ինչը հանգեցնում է հարբեցողության ծանր ձևերի կամ սրտային խնդիրների։ Այդ ամենը կարող է ավարտվել առողջության համար աղետալի հետևանքներով», – ասել է բժիշկը:
