Ավելի քան 90 պաշտոնաթող ոստիկաններ Ֆրանսիայի նախագահ Էմանուել Մակրոնին բաց նամակ են հղել երկրում անվտանգության իրավիճակի ձախողման վերաբերյալ: Այս հայտարարությունը հաջորդում է ակտիվ ռազմական և պաշտոնաթող ֆրանսիացի գեներալների երկու՝ նման բովանդակություն պարունակող կոչերին: Այս մասին հայտնում է Valeurs Actuelles- ը:
Նախկին ոստիկանները հայտնել են, որ երկրի իշխանությունները պետք է ուղղեն «անվտանգության և հասարակության խաղաղության տեսանկյունից չափազանց լուրջ իրավիճակը» Ֆրանսիայում և միջոցներ ձեռնարկել «երկիրը վերանվաճելու» համար: Իրավապահ մարմինների նախկին աշխատակիցների խոսքերով՝ երկրի մի քանի շրջաններում օրենքներն այլևս ուժ չունեն, և «ագրեսիվ փոքրամասնությունները» մարտահրավեր են նետում պետության հեղինակությանը:
