Հագուստի պահեստներում բռնկած հրդեհը, որոնք գտնվում են Թբիլիսիի Դուդուբիի շրջանի Տոռնիկե Էրիսթավի փողոցի վրա, հաջողվել Է մարել: Այդ մասին, ինչպես տեղեկացնում Է «Արմենպրես»-ը, հաղորդել Է Արտակարգ իրադրությունների կառավարման ծառայությունը:
Ըստ ծառայության տվյալների, անվտանգության նկատառումներից ելնելով, հագուստի պահեստներին հարող տարածքից տարհանվել Է մինչեւ 150 մարդ: Վայրում աշխատել Է հրշեջների 12 բրիգադ:
«Առկա Է եղել հրդեհը մեծ տարածք ընդգրկելու վտանգ, սակայն ժամանակին հակազդելու արդյունքում հրդեհը լիկվիդացվել Է, իսկ հետո՝ ամբողջությամբ մարվել»,-ասվում Է հաղորդագրության մեջ:
Հրդեհի հետեւանքով ոչ ոք չի տուժել:
Մասնագետները հաշվում են հասցված վնասը: Կրակի մեկուսացմանը խոչընդոտում Էր սաստիկ քամին, որն արդեն մի քանի օր խնդիրներ Է ստեղծում Թբիլիսիի բնակիչների համար, հողորդել Է Sputnik-ը:
