SpaceX ընկերության Crew Dragon տիեզերանավը ՝ Crew-1 առաքելության անձնակազմով, վերադարձել է Երկիր։ Հեռարձակումն իրականացվում է ԱՄՆ-ի Օդագնացության և տիեզերական տարածության հետազոտման ազգային վարչության կայքում (NASA):
Resilience անվանումով տիեզերանավը, որը փոպադրում է ամերիկացիներ Մայքլ Հոպկինսին, Վիկտոր Գլովերին, Շենոն Ուոքերին և ճապոնացի Սոիտի Նոգուտիին, վայրէջք է կատարել Ֆլորիդայի նահանգի ափերի մոտ՝ տեղական ժամանակով ժամը 02:57-ին (Երևանի ժամանակով ժամը 10:57-ին):
Երևանի ժամանակով 03: 35-ին ապարատը անջատվել է Միջազգային տիեզերակայանից և սկսել է իր վերադարձը երկիր, որը տևել է մոտ 7 ժամ: Ինչպես նշվում է ԱՄՆ-ի Օդագնացության և տիեզերական տարածության հետազոտման ազգային վարչության կայքում, վերջին անգամ ամերիկյան տիեզերագնացների հետ գիշերային պայմաններում տիեզերանավի դուրսբերումը տեղի է ունեցել 1968 թվականի դեկտեմբերի 27-ին:
Crew-1 առաքելության անձնակազմը Միջազգային տիեզերակայան է ժամանել նոյեմբերին և միացել ռուսաստանցիներ Սերգեյ Ռիժիկովին (ՄՏԿ-64-ի հրամանատար), Սերգեյ Կուդ-Սերվիչկովին և ամերիկուհի Քեթլին Ռուբինսին, որոնք կայան էին ժամանել 2020 թվականի հոկտեմբերի 14-ից 64-րդ հիմնական արշավախմբի կազմում և ապրիլի 17-ին Երկիր են վերադարձել «Սոյուզ ՄՍ-17» տիեզերանավի իջեցվող ապարատով:
Ապրիլի 24-ին Միջազգային տիեզերակայան է ժամանել մեկ այլ ՝ Crew Dragon տիեզերանավ ՝ NASA-ի տիեզերագնացներ Շեյն Կիմբրոուի և Մեգան Մաքարտուրի, Եվրոպական տիեզերական գործակալության աստղագնաց Թոմ Պեսկեի և Ճապոնիայի օդատիեզերական հետազոտությունների գործակալության աստղագնաց Ակիհիկո Հոսիդեի հետ: Նրանք ուղեծրում պետք է անցկացնեն մոտ վեց ամիս։